XESÚS DÍAZ
Xornal
Nominalmente existe un Goberno da Xunta co seu presidente, pero en realidade tal parece que sexa un goberno que non exerce: non dispón de ningún programa real de actuación e, por iso, é incapaz de abordar os problemas fundamentais do país coa mínima solvencia. Para iso non serve a propaganda, só serven as ideas e a acción de goberno, ningunha delas caracteriza a Xunta actual.
Xesús Díaz
Xornal
CC OO e UGT veñen de acordar un pacto de pensións coa CEOE e o Goberno que implica un recorte das prestacións do sistema público. O acordo amplía a idade de xubilación aos 67 anos e aumenta de 15 a 25 os anos de cómputo para o cálculo da pensión. As dúas significan recortes se ben a primeira ten un calado cualitativo que non ten a segunda. Aumentar a idade de xubilación aos 67 anos significa traballar dous anos máis e iso non se pode cuantificar economicamente porque afecta á vida da persoa que non ten prezo. Como se sabe hai excepcións: persoas con profesións penosas e as que teñen cotizado 38,5 anos que poderán xubilarse aos 65 anos.
