YOLANDA DÍAZ

Xornal

Artellar a resistencia e construír as alternativas esixe deixar ao lado o que nos separa, que quizais non sexa tanto, e pór en valor o que nos une, que estou certa é moito. Ás mulleres e homes das esquerdas únenos a vontade de someter os ditados dos mercados (os intereses duns poucos propietarios das grandes empresas e dos bancos) aos intereses xerais da nosa sociedade.

YOLANDA DÍAZ PÉREZ

Xornal

Non queda outra que se acoller ao título da peli dos irmáns Coen para tentar sintetizar o espírito que percorre o recorte das pensións: mesquindade e violencia estruturais contra as clases traballadoras segundo un acordo inxusto e innecesario. Inxusto, porque cae no lombo das clases traballadoras que non son as responsables da crise que serve de pretexto para este recorte. Innecesario, porque a fortaleza dos números da Seguridade Social, a insolvencia das proxecións que agoiran a creba do sistema e as alternativas vía impostos existentes revelan que non fai falla este recorte.